Gramshi n Imazighen
Llan wid immuten sulen ddern, ilin wid iddern maka mmuten. Azayku iga seg imezwurwa. Nekk, ghuri ur temmuted a yamekkakwel, ur zmiregh ad kksegh uttun ( numéro) n telifun nnek n tkarnit n tansiwin (carnet d’adresse) inew. Teftid zik, isul wawal n immik ittganna dikk kigan. Ullanek wik issnen, ula wid ur-k issinen.Tefkid tudert nnek ghef imenghi ( combat ) ghef tmazight d idles n imezdagh imezwura n tfarka ufella. Tgid yan g imezwura yefkan ismawen n tmazight i tarwa nnes : Tilila d Ziri. Dat tmettant nnek, tefkid isem n umnay i mmis n tilila. Ayen di tezrid n idlisen, d tmedyazin, d tezrawin iga asafu (flambeau) i tsutiwin n imal. Ithri nnek da isfikkit g igenwan n tmazgha.
Tgid amehbas asertan (prisonier politique) amezwaru ghef tmazight g tmurt nnegh g 1982, tudert nnek teccar s ingazen (douleurs) d lemhayen. Abniq (prison) n leaalu i tefkid isem n Tin Imughan ifersek tarud timedyazt tatrart d yuwin ghef tayri, ingazen, lmut, tamara, tamazight, izmulen , ... ghef tlelli.
Dart tmettant nnek, llan wid irezmen i ymettawen n ughucaf (crocodille), gguten, arun imegrad g ighmisen ar sawalen ghef tiddukla nnek!!(?), da ssenghan tasa. Tessned tidet n umdan, aya as idrus wid iaazzan fellak..
Ig swingmegh dikk, da yid ikkat g ighf udem n umeghnas (militant) atalianiy Antonio gramshi. Ur ssinegh max. Ula netta ifka kigan i tmurt nnes, waxxa issen irfufen , tamara d ibniqen, maka iga yan g tirsal n tugdut g tmurt n taliyan. Ayen yura ula netta deg ubniq isaa azal meqquren. Immut g 1937, maka isul idder s wayen d yudja n twuriwin. 1979, tnejmed i lmut deffir laksida nnak ijran g temdint n bourdeau g fransa, ur as nsameh nettat ak igan idammen ur izilen. Fransa amek ttinid abda nettat ayd illan dart lemhayen d ucerreg n ugdud amazigh, nettat ayd yuwsen i ayt tadyulijiyt taaraslamt (arabo-islamisme) ad sskern ayen ran g wakal n imazighen. Amek tejjid, tanbatt n tmurt nnek, tegrak g ubniq (prison) aseggwas d 17 n wass, acku tennid isd tamazight ula nettat tutlayt, ghurs amezruy d tgherma. Nnan ak ad tetterd ssmah i wgellid hassan wissin, ur trid. Ghurk tidet, Imax ad tetterd ssmah tili ghurk tidet?! Tawacult nnek tezra ussan iberrkanen, tetca aghrum iccaren s imettawen. Trurid ingazen ( douleurs) illan jaj n wul nnek s tmedyazin. Tessufghed sin wammuden n isefra (Timitar d Izmulen) d yuwin yan wudem atrar n tmedyazt tamazight g tmurt nnegh. Tamedyazt tecna tsedma ( groupe) Ousman d unazur Ammuri Mbarek.. Asnulfu (création) nnek iga ameqqun (manifeste) deg ubrid n tghensa n Imazighen.
Tura, swunfu a dda ali, tefkid kigan i tmurt nnek, asafu n tmazight illa ghur tarwa nnek mi tnejred abrid. Inas i ymnayen yaden zund Behri, atebji, Maammeri, Sifaw, Maatoub, Guermah... d wiyad han asirem iccur ulawen nnegh, d imenghi nnun ad yawed.
Gen di lehna